Msaada wa Saruji

Imewekwa: February 22nd, 2017

Na Deodatus Paskal Mganga,

Meatu, SIMIYU

21 February 2017

13:51

new.gifKampuni ya Mwiba Holdings Ltd imetoa msaada wa mifuko 3,000 ya saruji kwa wananchi wa Wilaya ya Meatu. Msaada huo ulikabidhiwa kwa Mkuu wa Mkoa wa Simiyu Ndugu Anthony Mtaka kwa niaba ya wananchi wa wilaya ya Meatu, tarehe 21 Februari, 2017 kupitia mkutano wa hadhara katika viwanja vya stendi ya mjini Mwanhuzi.

Wakati wa kupokea msaada huo Mkuu wa Mkoa aliiomba kampuni hiyo kuendelea kutoa fursa za ajira kwa wananchi walio na sifa  wa Wilaya ya Meatu na mkoa wa Simiyu kwa ujumla. Aidha, pamoja na msaada huo kampuni hiyo iliahidi kutoa msaada mwingine  wa mabati 1,000 yatakayotumika kuezeka  majengo ya shule yatakayojengwa.

Wakati wa makabidhiano hayo,  naye Mkurugenzi Mtendaji wa Halmashauri ya Meatu, Ndugu  Fabian Manoza Said aliishukuru kampuni ya Mwiba kwa msaada waliotoa na kuahidi kuhakikisha saruji iliyotolewa itatumika  kujenga Mabweni ya wanafunzi.