Meatu yaongeza mikakati ya kudhibiti changamoto ya uvamizi wa tembo

Imewekwa: June 9th, 2019

Na Linus R. James

Halmashauri ya wilaya ya Meatu imezidi kujiimarisha kudhibiti wimbi la uvamizi wa tembo katika vijiji 22 vinavyopakana na maeneo ya hifadhi za wanyamapori.

Hayo yamebainishwa jana jioni wakati wa makabidhiano ya vifaa mbali mbali vilivyotolewa na shirika la  Friedkin Conservation fund (FCF) yaliyofanyka katika ofisi ya Kitengo cha wanyamapori Meatu.

Akibainisha vifaa mbali vilivyotolewa Afisa Wanyamapori Wilaya ya Meatu Bw. Revocatus Meney alisema

“Vifaa hivi ni maalum kwa ajili ya  kudhibiti tembo wanaovamia maeneo ya vijiji hasa nyakati za usiku, kwa hiyo vitaongeza ufanisi wa kudhibiti wanyama hawa  kabla hawajaleta madhara kwa wananchi wetu “

Pia Afisa wanyamapori huyo alibainisha kuwa jitihada hizo ni mwendelezo wa juhudi za serikali ya awamu ya tano ambapo Mei 20 mwaka huu Jumla ya tembo 18 walifungwa mikanda maalumu yenye vifaa vya GPS kufuatiliaa mienendo yao ndani na nje ya maeneo ya hifadhi.

Vifaa ivyo vyenye takribani thamani ya milioni nne za Kitanzania  ni Tochi zinazotoa mwanga maalum (light annoyance) 6, Vipaza sauti maalum 18, mabomu ya pili pili ( Chill bombs) 700  na fataki ( roman Candles) 8 vinatarajiwa kugawanywa katika vijiji kwa vikundi vya vijana  vya kudhibiti tembo vilivyoundwa na kitengo cha wanyamapori cha Wilaya.

Afisa wanyapori huyo alichukua nafasi hiyo kumshukuru Bibi Nana Grosse Woodley ambaye ni Afisa mahusiano wa shirika la Friedkin Conservation Fund ambaye amekua mstari wa mbele kufadhiri miradi mingi ya kupunguza migogoro kati ya binadamu na tembo.

Pia shirika la Friedkin Conservation fund (FCF)  kwa kushirikiana na shirika la Honey Guide Foundation pamoja ofisi ya Mkurugenzi Mtendaji wa Wilaya tayari wameandaa mafunzo maalum kwa vijana 22 kutoka katika kata zinazoathiriwa na uvamizi wa tembo.

Mafunzo hayo ya siku 11 yanatarajiwa kutolewa kuanzia tarehe 15 mwezi huu katika hifadhi ya wanyamapori ya Jamii ya Randline iliyopo Monduli Arusha.

MWISHO

Picha zaidi Bofya hapa