Mh Diwani na Dereva wapoteza maisha katika ajali ya gari

Imewekwa: July 14th, 2018

Watu wawili(Diwani wa Kata ya Mwanhuzi na Dereva wa Halmashauri ya Wilaya ya Meatu) wamefariki dunia leo majira ya asubuhi baada ya gari la halmashauri ya wilaya ya Meatu walilokua wamepanda kupata ajali eneo la Mkiwa Ikigi, Singida.

Gari hilo lilkua limebeba madiwani, Mkurugenzi mtendaji na maafisa wa Halmashauri ya Wilaya Meatu.

Taarifa za awali zinasema watu waliofariki ni Elias Shukia( Diwani) Juma Suleiman Kipika(Dereva) ambapo Mwenyekiti wa Halmashauri Ndugu Pius Machungwa, Mkurugenzi Mtendaji pamoja na mhandisi wa maji wa Halmashauri ya Wilaya hali zao zinaendelea vzuri baada ya kupata huduma ya kwanza katika hospitali na kuruhusiwa.

Aidha maafisa wawili (Kilimo na uvuvi) hali  zao bado zinaendelea vzuri lakin bado wamebaki hospitali kwa ajili ya uangalizi zaidi.

Chanzo cha ajali bado hakijafahamika japokuwa inadhaniwa kuna ni kupasuka kwa tairi la mbele la gari

Taratibu za mazishi zinazoratibiwa na halmashauri ya wilaya zimefanyika ambapo Marehem Juma atazikwa Singida(Nyumbani kwao) kesho, na mwili wa Marehemu Shukia utasafirishwa kuja mjini Mwanhuzi kwa ajili ya mazishi.

Mkurugenzi mtendaji anatoa pole kubwa sana kwa familia ndugu na jamaa wote wa marehemu, wananchi wa kata ya Mwanhuzi pamoja na wafanyakazi wote wa Halmashauri na wananchi.

Aidha anawasisitiza kuwa wavumilivu kuwaombea maerehemu  na kuzidi kuwaombea majeruhi wote katika kipindi kigumu wapone haraka.

Anaandika Linus R. James -Meatu DC