Meatu yakiwezesha kikundi cha Ngunani kujiinua kiuchumi

Imewekwa: January 29th, 2019

Na Linus R. James - MEATU DC

Halmashauri yawilaya ya  Meatu kupitia Idara ya maendeleo ya jamii, idara ya maji, mazingira, mifugo na uvuvi imekiwezesha kikundi cha akina mama   cha Ngunani kilichopo kijiji cha Jinamo  kata ya  Mwanjolo ili kiweze kujiinua kiuchumi.

Katika uwezeshwaji huo leo Idara hizo nne zimeweza kutoa mafunzo ya namna bora ya ufugaji wa samaki aina ya Sato lengo likiwa ni kutaka kikundi hicho kufuga ufugaji wa kisasa na wenye tija.

Licha ya kutoa mafunzo halmashauri kupitia asilimia nne ya mapato ya ndani kwenye  mfuko wa maendeleo kwa wanawake(WDF) imeweza kutoa kiasi cha shilingi milioni nane kwa kikundi hicho cha Ngunani.

Jumla ya vifaranga vipatavyo 11, 000 vimepandikizwa katika bwawa la Jinamo lililopo katika kata ya Mwanjolo.

Akizungumza wakati akitoa mafunzo Mkuu wa Idara ya maendeleo ya Jamii Mwanaisham Nassor  amesema hii ni fursa ya kuwainua akina mama kiuchumi kama mbinu zilizotoloewa na wataalam wote zitazingatiwa na kufuatwa

“Jumla ya vifaranga 11,000 ambavyo tumeshavipandikiza tunategemea  ifikapo mwezi wa sita mwaka huu kikukndi hiki kitaweza kuvuna samaki wasiopungua 10,000 ivyo kujipatia fedha za Kitanzania zisizopungua milioni thelasini ivo kipato na uchumi wa wanakikundi vitaongezeka”. Alisema Bi Mwanaisham.

Mafunzo haya ya vikundi ni mwendelezo wa Halmashauri kupitia Idara ya maendeleo ya Jamii kuyafikia makundi mbali mbali wakiwemo Wanawake, vijana na  watoto ambapo kwa mwaka wa fedha 2018/2019 jumla ya vikundi visivyopungua 70 vimepangwa kufikiwa na kuwezeshwa.

Mwisho